ଇଂରାଜୀ ବର୍ଷ ସରିଲା

ଇଂରାଜୀ ବର୍ଷ ସରିଲା, ପୁରୁଣା କ୍ୟାଲେଣ୍ଡର ଓହ୍ଲେଇଲେ ଆଉ ନୂଆ ମାନ ସେମାନଙ୍କ ସ୍ଥାନ ମଣ୍ଡନ କଲେ I ହେଲେ ବର୍ଷଯାକ ପୁରୁଣା କ୍ୟାଲେଣ୍ଡରମାନଙ୍କରେ ଥିବା ଦେବାଦେବୀ ମାନଙ୍କୁ ଯେ ଆମେ ଧୂପ ବୁଲେଇ, ଦୀପ ଦେଖେଇ ଜୀବନ୍ତ କରି ଦେଇଛୁ I କେତେ ଅବା ଜାଗା କାନ୍ଥରେ ! ଏ ପୁରୁଣା କ୍ୟାଲେଣ୍ଡରସମୂହ ଆମର ଭକ୍ତି, ବିଶ୍ୱାସ ଆଉ କିଛି ଭୟ ମଧ୍ୟଏବଂ କିଛି ପ୍ରେମ ଯୋଗୁଁ ଏବେ ଯେମିତି ଜୀଅନ୍ତା ହୋଇ ଉଠିଛନ୍ତି, କୋଉଠେ ଥୁଆ ହେବେ, ଜଣl ପଡନ୍ତିନି ।
ଠାକୁରଙ୍କ ଫୋଟୋ ସବୁ ଖରାପ ହେଲେ ଆମେ ନଦୀରେ ବିସର୍ଜନ କରୁ I କିଛି ଲୋକ ମନ୍ଦିର ପାଖରେ ଥୋଇ ଦେଇ ଆସନ୍ତି l ବେଳେବେଳେ ଲାଗେ ଜାରଜ ସନ୍ତାନ ଟିଏ କେହି ଯେମିତି ଛାଡି ଦେଇ ଯାଇଛି I ଠାକୁର ଠାକୁରାଣୀମାନେ ମନ୍ଦିର ଠାକୁରଙ୍କ ହେପାଜତରେ ! ହାଏ ରେ ମଣିଷ !
ତେବେ ଏ ଭଳି ଏକ ଚିନ୍ତା ମନକୁ ଆସୁଥିଲା, ଯଦି କୌଣସି ସଂସ୍ଥା ଏ ଭଳି ପୁରୁଣା ଦେବାଦେଵୀ କ୍ୟାଲେଣ୍ଡର ସବୁକୁ ନେଇ ଉଚିତ ଭାବେ କର୍ମକାଣ୍ଡ ଦ୍ୱାରା ବିସର୍ଜନ କରନ୍ତି, ତେବେ ଲୋକଙ୍କ ପାଇଁ ଏହା ସୁବିଧାଜନକ ହୁଅନ୍ତା I