ଚର୍ମ –ମର୍ମ

ଅଧ ମିଲିମିଟର୍ ଖୋଳ

ହଁ , କିଛି ମେଲାନିନ୍ ର ଖେଳ ।

ଦେବତା ଗୋଲାମ୍, ଦାନବ ଗୋଲାମ୍

ମଣିଷ ଅବା କି ଛାର !

କମିଲେ ଦେବତା, ବଢିଲେ ଦାନବ

କମିଲେ ପଶ୍ଚିମ , ବଢିଲେ ପୂରୁବ

ଅଜବ ରଂଗର ଏ ଖେଳ

ହଁ , କିଛି ମେଲାନିନ୍ ର ଖେଳ । ୧|

ରଂଗେ ରାଜନୀତି

ରଂଗେ ଅର୍ଥନୀତି

ରଂଗ କୁ ନେଇ ତ ଜାତି

ରଂଗ ର ଯୁଦ୍ଧରେ ଧରି ତଲବାର୍

ରକ୍ତେ  ରଂଜିଛି ମାଟି,

ଅଜବ୍ ଦେଖ ଏ ଖେଳ

ହଁ , ମାତ୍ର ଅଧ ମିଲିମିଟର୍ ଖୋଳ l୨l

ପ୍ରାଣ କାନ୍ଦୁଥାଇ

‘କାଳିଆ‘ ‘କାଳିଆ ‘

ମନ ପୂଜୁଥାଇ

‘ଶିବା‘  ‘ଶ୍ୟାମା‘ କୁ

ହେଲେ ମୋ ସଂଗିନୀ

ହୋଇବ ଗୋରୀ

କିଏ  ବା ଚାହିଁବ କାଳୀକୁ ??

ଅଜବ୍ ରଂଗର ଏ ଖେଳ

ଇଏ ପରା ମେଲାନିନର ଖେଳ I ୩I

ସୌନ୍ଦର୍ଯч ଏ ଅଧ ମିଲିମିଟର ର

ସହଳେ ହୋଇବ ଶୀଥିଳ

ହୃଦ ଟି ସୁନ୍ଦର , ଗଉର ବର୍ଣର

ହେଲେ ହିଁ ଜୀବନ ଉଜ୍ଜଳ

ଜାଣି ରଖ ଏ ଖେଳ ,

ଏ ତ ଛାର ଅଧ ମିଲିମିଟର୍ ର ଖୋଳ I୪I