ଅପେକ୍ଷମାଣା

ଚା
April 16, 2022
Happy EARTH DAY 2020
Happy EARTH DAY 2020
April 22, 2022

ଡଃ ବିୟତପ୍ରଜ୍ଞା ଆଚାର୍ଯ୍ୟ

ତୁମରି ପଥକୁ ଚାହିଁ ବସିଛି ଗୋ

ତୁମ ପଦ ପାତକୁ କାନ ଡ଼େରିଛି

ମୋ ପ୍ରତୀକ୍ଷାକୁ ସଫଳ କରି

ବାହୁ ବେଷ୍ଟନୀ ମଧ୍ୟକୁ ଆସିବକି ପ୍ରିୟ ?

 

ପ୍ରତ୍ୟେକ କ୍ଷଣ ହୁଏ  ତୁମ ଚିନ୍ତାରେ ଅତୀତ

ମୁଁ ଯେ ଯୁଗ ଯୁଗ ଧରି ଅପେକ୍ଷମାଣା

ତୁମ ପାଷାଣ ହୃଦୟ କି ତରଳିବ ?

 

ମୋ ନିକଟକୁ ଆସି

ମୋ ଅବୟବକୁ ତୋଳି ଧରିବକି ପ୍ରିୟ ?

 

ଦୂର ପାହାଡ଼ରୁ ସୂର୍ଯ୍ୟଙ୍କ କିରଣ ଲିଭିବା ପର୍ଯ୍ୟନ୍ତ

ଚନ୍ଦ୍ରବିଧୌତ ରଜନୀରେ ଚନ୍ଦ୍ରମା ବିଲୀନ ହେବା ପର୍ଯ୍ୟନ୍ତ

ତୁମ ପ୍ରିୟା ଚାହିଁ ବସେ ତୁମକୁ

“ତୁମକୁ ” କେବଳ “ତୁମକୁ”  |

 

ମୋ ପ୍ରତୀକ୍ଷାର ମୂଲ୍ୟ ଦେବ କି ପ୍ରିୟ ?

ମୋ ଜୀବନକୁ ସାର୍ଥକ କରିବକି ପ୍ରିୟ ??

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

 

ମୋ ଖଟ ପଡେ ଝରକାକୁ ଲାଗିକରି , ଟେବୁଲ ବି ଝରକାକୁ ଲାଗି …ଝରକା ସବୁବେଳେ ଖୋଲା …କିଏ ସିନା ଘର ଅନ୍ଧାର କରି ଶୁଏ , ମୁଁ ଖଟରେ ପଡି ଖୋଲା ଝରକା ଦେଇ ଆକାଶକୁ ଦେଖି ଦେଖି  ଶୁଏ  I ଝରକାକୁ ଲାଗି  ନିମ ଗଛଟିଏ …ଆଃ ! କି ସୁନ୍ଦର ତା’ ପତ୍ରର ସଜ୍ଜା ! ତା ଭିତରେ ଦେଇ ଆକାଶକୁ ଦେଖିଲେ ଆହୁରି ସୁନ୍ଦର ଦିଶେ ନୀଳ ଆକାଶଟା l ଏମିତି ଆକାଶକୁ ଚାହିଁ ରହି କେତେବେଳେ ଆଖି ଲାଗି ଯାଏ, ଜାଣି ପାରେନି  I

 

ଏମିତି ଆକାଶକୁ ଦେଖୁ ଦେଖୁ କିଛି ଶବ୍ଦ ଲେଖନୀ ମୂନକୁ ଉଛୁଳି ଆସି କବିତା ପାଲଟି ଯା’ନ୍ତି I ସେଇ ଆଦ୍ୟ ଯୌବନ ବେଳର ଏକ ଛୋଟିଆ କବିତା ….

Leave a Reply

Your email address will not be published. Required fields are marked *